郭小敏0929

话说今日系双11节，甘唔开心的节日，当然要捉大家一齐出去食个饭开心一下喇，话说本来曾经有个人话今日会求婚，然后下年520就结婚，一生一世我爱你，其实，谈何容易啊...感情不在，娱乐精神不能死，今日系百年难得一见的六一神棍节，于是我地中午就决定豪翻少少，去食我未试过的食尚引，发现其实性价比都几OK的，废话少讲，直接上图喇。

郭小敏0929

宜家周一到周五有79蚊双人套餐，我地五个人，所以就谂住点两个套餐再加多碟普通的菜，但后来发现，加果碟菜完全系多余的，因为套餐都绝对食得饱了。
午市套餐79蚊包括薯仔沙律、青木瓜沙律二选一，香煎鸡扒配泰汁，泰式醸茄夹，金不换炒肉碎，尚引咖喱鸡，南乳藕片炒肉筋，腩肉蒸粗斋六选二，白汁焗花菜，飞天炒椰菜，沙巴酱炒什菜三选一，果汁啫哩（2个），香米饭（2个），柠檬水，桂花红茶四选二。套餐的话需要现金结账，而且不能开**。

郭小敏0929

因为我地点两个套餐，所以菜式上的选择比较多，下面跟图写菜，唔逐一累述了。

好唔明白点解第一样上的会系果汁啫哩，莫非系想我地先食D腻腻甜甜的，随后的就会比较显饱？造型是HelloKitty，味道系好诡异的可乐加雪碧味，哈哈，难食讲唔上，好味又唔算，一般般。

郭小敏0929

另外加的鲜虾芒果纸米卷，售价29蚊，里面有5件，大家评价都认为有D浪费了，因为里面包的材料都系生的，而且有韭黄，所以会有D人食唔惯觉得好臭，不过有芒果同鲜虾的菜式，我系好难抵挡果个诱惑的。

郭小敏0929

主食方面，我地都谂住拣D肉比较多的菜式，尚引咖喱鸡，不如讲系上当咖喱鸡汤好过了，鸡肉得五六件左右，咖喱汁倒非常多，用黎送白饭系唔错的选择，不过唔够辣，薯仔几粉几好食。

郭小敏0929

沙巴酱炒什菜，呢个我觉得味道唔错，所谓的沙巴酱带有少少虾酱的味道，杂菜好似泮塘五秀甘，其实我中意食椰菜的，现场的椰菜比我挑起晒黎食，哈哈

郭小敏0929

泰式醸茄夹，现场一致评价觉得最好味的菜，斋系伴碟的料都有菠萝，青椒红椒，洋葱等等了，色彩好丰富，我谂小朋友一定好中意食，适合今日的六个一主题，哈哈，话说里面D酿肉比较坑爹啊，有好几件里面都无肉的，夹唔夹到真系要睇你手神了

郭小敏0929

白汁焗花菜，唔知系咪因为摆系我面前的原因，我发现好似净系得我自己一个人系度食呢个菜，班同事个个都无点夹，我觉得呢个好好味啊，不过食完一定好有罪疚感，因为好漏好肥的，哈哈。

郭小敏0929

青木瓜沙律，话说我写帖顺序系按照距上菜顺序写的，可想而知距地上菜上得有几甘混乱，甜品先上，沙律后上。呢碟D味道有D似泰式凤爪的味道，青木瓜完全Feel唔出呢个感觉，倒觉得有几分似萝卜丝，因为比较辣，所以甚不得人心，都系我比较比面食得比较多，夹佐几筷子

郭小敏0929

薯仔沙律，其实以前我几中意食呢个菜的，不过因为今日有太多菜式了，所以就比较忽视呢个，薯仔好粉嫩，里面夹杂佐D玉米粒同青瓜粒，增加佐口感的丰富程度

郭小敏0929

南乳藕片炒肉筋，骤眼睇以为系斋一碟莲藕，原来下面隐藏住一堆瘦肉，不过同样无咩人欣赏，可能系因为上得比较迟的关系吧，大家象征式地夹佐几件就无再掂过了，南乳味比较重，比较粤式的一道菜

郭小敏0929

香煎鸡扒配泰汁，最后一道菜了，获得比较多的好评，系度插个题外话，话说呢度D服务态度真系好差，差到不敢恭维，令我联想起抵死写的同样系食泰国菜的泰道，唔知系咪泰菜餐厅都有呢个通病的，服务差。好似我地一入去时，我问个咨客，你地呢度有无咩套餐或者优惠活动，距好粗鲁地回答，无！甘但系距呢度又的确有午市套餐的，甘系希望我认为距地对自己餐厅业务唔熟悉呢？定系有意隐瞒顾客有套餐优惠呢？定系随意敷衍顾客呢？其次，我地坐地之后，隔佐成5分钟先叫到人比个菜牌我地，先叫到人斟茶倒水，甘你收我茶位费系为佐咩呢？最后，到点菜了，都系要等，全场貌似只有一个着黑色衫的服务员哥哥系写菜的，其他着蓝色衫的服务员姐姐即使见到你望眼欲穿的神情，挥手呼唤的身影，都系唔会理你的，只会视而不见。综上所述，我地可以得出一个答案就系，假如我系呢间店的老板，一定会炒晒呢批服务员，个个都好似唔想做甘啊，同事话我对距地讲野D态度仲温柔过距地对我地，哈哈，我都几无语咯，所幸出品同份量都唔差，弥补翻少少失落的心情。讲翻转头，点解话呢个菜获得较多好评呢？除佐系因为鸡扒煎得刚刚好，外脆内嫩之外，仲因为上菜果位黑衫服务员哥哥（无错，就系负责写菜果个）服务态度唔错，见到我地有五个人，要分两件鸡扒，距就主动去攞刀叉帮我地切分，所以系距身上又多翻一D好评。

最后埋单计一位茶位（因为套餐只包了4位），两份套餐，再加29蚊的纸米卷，Total 190蚊，其实都算几抵了，如果服务态度再好翻D的话，就不失为一间值得成为饭堂的餐厅了。

郭小敏0929

回复 朱G 的帖子

普通卡片机啊，哈哈，不懂得怎么操控单反...

florence1104

我有个同事之前就话过呢家5错的，成日话叫我一起去试，不过要去正佳，有D远

华猪妈咪

点解大家都系卡片机，你部机影得比我靓甘多嘅？

168apple

鲜虾芒果纸米卷看着不错～很诱人~

小白饼干

   

华猪妈咪 发表于 2011-11-12 10:34
点解大家都系卡片机，你部机影得比我靓甘多嘅？

我都好想知道点解

小白饼干

Kitty啫喱好Q啊~~~

东逛西逛

喜欢茄夹。