蟹女VS

已经21+了，见到好多准妈妈都写下自己既经验分享，我又尼凑下热闹先

一开始我系系分院过边检查既，之所以拣越秀区妇幼主要系因为之前有朋友系度生，话医生护士既态度都唔错，大家都知啦，衣家最怕系遇着D态度差又唔负责任既人，SO……既然有朋友话好既，都放心D，唔讲废话啦，等我一张张收费单跟住尼写啦

第一次  1.8  挂 号￥5 验孕  ￥6.30（其实就系普通试验孕，药房买大卫既就一蚊一支架渣，不过为左正式确认都系要去医院度验一下既，咔咔）我有医保自费￥3.2姐（啊！四个月之前挂号都系挂妇科）

第二次  1.15 挂号￥5 呢次系做阴超确认系米宫内孕 ￥85.3（自费￥53.8，由于未够四个月仲未有得用生育保险，所以每次医生帮我开单写既病因都系“月经不调”）

第三次  1.17 挂号￥5 返紧工突然间发现有D褐色既野流出尼，嗱嗱声去医院，医生检查左一下话可能系“先兆流产”开单俾我抽血验孕酮同开左D保胎既药俾我，抽血系￥102.6，西药￥68.89（止血药同黄体酮胶囊），检查￥5.36（全部加埋自费￥141.4）

第四次 1.20 挂号￥5 睇抽血结果，话我孕酮偏体，要系屋企卧床休息，另外又开左两合黄体酮胶囊￥78.56（自费￥41.40）同埋一盒爱乐维既复合维生素￥92.1（呢个没得报销，全部自费）

第五次 1.28 挂号￥5  复诊检查安胎情况，又做左一次阴超￥85.3（自费￥53.8），情况有所好转医生再开多一盒黄体酮胶囊￥39.30（自费￥20.6）如果后续没再出血就可以等到12+再返去复诊，终于可以安心过年了！！！

——2.12 发现自己条颈唔知生左D乜，怕系癣之类既会影响到BB（网上查过如果系癣严重既会导致死胎，吓死），所以去左中山四过间广州市皮肤病防治所度检查一下，检查左之后好在系普通皮炎（检查费29蚊，支药膏3.5——如果有呢D情况既JM一定要同医生讲你有左BB,甘距会开D岩孕妇用既药）

第六次　3.1 呢次主要系要准备办准生证返我户口所在地办围产卡所以系去左社区医院度（原本两公婆唔同区既办个准生证好鬼麻烦，我系荔湾，LG系越秀既，就为左搞个证，前前后后请左几次假，晕！！！），办围产卡既时候医生同我讲荔湾区系有HIV既免费项目衣家就可以做埋啦，另外我既周数岩岩可以做唐筛一期问我做唔做，因为距唔知越秀区有咩免费项目，我谂住反正都系要做既了，就做埋距啦，当日做既项目有白带常规、尿常规两样￥36，HIV免费，唐氏一期￥144（由于唔记得带医保卡，要全部自费）

第七次 3.5 挂号￥5 复诊，医生检查过后一切良好，另外安排我做左个NT（颈部透明层）检查￥157.5（由于又系没带医保卡，全部自费）

以上没特别注明既都系系分院度做既，后尼决定左系呢度生，谂住反正分院到36+都系要返总院既了，所以就直接去总院度建档……

第八次 4.6 挂号￥7（第一次唔知，挂左个普通门诊既，搞到后尼又要再挂一次产检，如果有JM系去呢度生既，第一次挂号既时候记得俾本生育保险就医确认凭证挂产科就得架啦，甘样就￥2搞掂，我挂左两次，另外如果系打算系呢度生既仲要再买一本产检专用病历，LG买既唔记得几钱了；）帮我做产检既系候医生，第一次产检做左：量血压、听胎心（终于听到BB心跳声，好激动，遗憾既系LG唔可以一齐入去听）、量宫高、体重、身高、白带常规、尿常规、致畸四项检查（抽左两筒血）、心电图、糖筛（开左单等24+再做）￥602.7（生育保险报￥272.6）；另外仲有做彩超排畸￥235.8（呢个没得报生育险，全自费，呢度要注意啦，如果两夫妇其中有一个系越秀区既，可以免费做，因为我当时唔知点办，所以没搞到；另外越秀区仲有得免费做“地贫初筛”、“血红蛋白电泳分析”、“地贫基因诊断”、“地贫产前诊断”、“唐氏筛查”“G6PD缺乏症筛查”）
建卡既时候记得带埋之前所有既验单，如果有做婚检既都要带埋喔，甘样可以做少D项目既，起码可以抽少D血添（我就只系抽左两筒，但到目前为止听到有MM最多系抽八筒，恐怖！！！如果要做乙肝检查既仲要空腹，因为我第一次去都唔知要检查D乜，所以都系空腹，到我做完所有检查之后先知，原来我当日要做既检查系唔需要空腹架！！！郁闷……饿左BB成个早上，心痛……）

第九次 5.4 挂号￥2 量血压、体重、宫高、听胎心（就呢样要钱￥29，生育保险报￥27，自己就俾两蚊鸡）

第十次 6.1  挂号￥2 量血压、体重、宫高、听胎心（同上一次一样甘多钱）
                  今日做左个血糖筛查，D糖水真系超难饮，饮完隔一个钟头抽完血就走得了，唔使等结果
                  另外，今日仲去分院过边约左做过个免费既B超检查，约左29周既时候返总院度做就得了，免费既只系二维，我自   己加左157蚊升级做三维

蟹女VS

自己先坑一个

rain33g

我都喺打算喺越秀妇幼生...不过喺分院建咗档...到时喺咪要攞齐晒D资料再过去总院噶?

蟹女VS

   

原帖由 rain33g 于 2011-5-5 11:45 发表
我都喺打算喺越秀妇幼生...不过喺分院建咗档...到时喺咪要攞齐晒D资料再过去总院噶?

甘我就唔清楚了，好似到36W+应该会将你既资料全部转过去总院，因为我系总院度直接建档既，而建档后每一次既产检病历同验单系直接存系医院，唔使带返屋企既

蝶儿布

谢谢分享

zhufangliBB

生育保险即系点噶???边度买噶???

rain33g

   

原帖由 蟹女VS 于 2011-5-5 17:12 发表


甘我就唔清楚了，好似到36W+应该会将你既资料全部转过去总院，因为我系总院度直接建档既，而建档后每一次既产检病历同验单系直接存系医院，唔使带返屋企既

我依家D病历同验单都喺医院啊...搞到我想攞嚟睇下都唔得...仲要个医生咩都唔同我讲...好似胎心啊腹围啊...我全部都唔知

蟹女VS

   

原帖由 zhufangliBB 于 2011-5-5 23:28 发表
生育保险即系点噶???边度买噶???

生育保险系要挂靠公司帮你买既，如果系广州市户口既话尼就强制性一定要买，如果唔系广州市户口既，有D公司可能会没帮你买。而且生育保险要买满1年先可以享受

蟹女VS

   

原帖由 rain33g 于 2011-5-6 04:51 发表



我依家D病历同验单都喺医院啊...搞到我想攞嚟睇下都唔得...仲要个医生咩都唔同我讲...好似胎心啊腹围啊...我全部都唔知

我前日去既时候都系趁个医生行开左偷偷地掀尼睇下，不过如果问医生应该会讲吧。腹围自己都可以量啦。如果系抽血验过D野你可以上医院既网站度查，可以查到既，收费单上有个门诊号，凭呢个门诊号就可以上去查既了

乐咪咪咪

我也在这产检~准备在这生~有没有宝妈预产期9月也在这生的?

sofiakwok

去年底宝宝就是在这医院出生的,总体来说都不错,检查费要比其他三甲医院便宜很多.

mangomai

LZ预产期几时啊? 我都系21+ ，都系越秀妇幼建档~ 呵呵，我预产期8.10~

怡玄乖婷婷

我也很想知道。　　　　　　　　　　　　　　

leviya

我都系去果度做噶检查啊  上次去了做唐氏吧  抽了我四筒血。。。。其实之前婚检都有做过部分噶、、、、5系要抽更多

celiatsang

回复 mangomai 的帖子

我都在区妇幼建档了，MM 你觉得这间医院好吗？ 我预产期迟你几日咋，依家考虑紧要不要转市妇幼，，

kitmen

回复 蟹女VS 的帖子

想问一下LZ,在越秀区妇幼做3维时，老公可以进B超室一齐看吗？