BB爱美丽

这几天在妈网看了很多说婆媳，妯娌关系的，忍不住八卦心，也来说说我身边遇到的奇葩。
1.阿芳，与她老公阿永是与老公家姐工作时认识的，后来阿芳换工作认识了我，因为当时我两个都在同一条城中村租屋住，上下班都一起，友情就建立了。后来怀孕，我俩预产期也只差一个月，那一年06年。
阿芳结婚谈到礼金时，她婆婆开始现型，先同阿芳讲，屋企穷，只可以比1800元，另加一对金耳环。阿芳家境一般，细佬妹仲读书，父母系老实农民，对于嫁女亦无太多意见，但事实男家在南海，村中有楼出租，每年仲有股份分红，阿芳一怀孕就登记结婚将户口迁入，按当地规定，阿芳可以有分红了。阿芳结婚当天我已经八个多月身孕，没有参加，另一位一起工作的同事阿丽去了，后来听阿丽讲，结婚当天阿芳婆婆发烂渣，嫌阿芳叫了几个朋友去，认了一围台，真系晕，比嘅人情都够三围台嘅花费啦！最搞笑系酒席一完，阿芳婆婆就罗番对耳环，仲讲怕阿芳个妹会带番娘家。
07年头，我生左个女，当日阿芳与阿丽都来医院睇我，倾倾下计阿芳电话响，原来系佢婆婆要阿芳即刻走唔准探我，因为我生个系女，阿丽生嘅系仔，话近我阿芳都会生女，要阿芳近阿丽多D就可以生仔了，乜嘢逻辑？我同阿芳预产期相差一个月，仔定女都定左啦，愚昧！
系我坐月期间，阿芳打过几次电话比我，佢话想在西樵医院生，方便照顾，但佢婆婆就要求到佛山妇幼，点解？因为佢家婆问过神婆，去佛山妇幼生会生仔，留系西樵医院会生女，我除左劝阿芳谂开D，唔好同家婆吵，真系唔知点安慰佢。有一晚已经十二点几了，阿芳打电话比我，一听电话就听到佢喊，隔离有几个女人声系度闹，原来当日阿芳已经开始宫缩，婆家人唔系将佢即刻送医院，而系请神婆番来摆坛，要阿芳围住神坛行够一定次数，甘就可以生仔了，我当时仲系坐月中，夜晚同我家婆一齐训，我家婆听到就抢我电话同阿芳讲“你老公死去边？仲唔怕D去医院，搞乜嘢神坛？…………”阿芳话佢老公听晒家婆话，由得阿芳一面作动一面行神坛，后来我仲想教阿芳唔好理班傻婆，直接过医院，唔知边个抢左佢电话，仲关埋机。我个晚一晚都无点训，担心吖！两条人命！第二日早上阿永打电话比我话阿芳生左个仔，谢天谢地，阿芳以后有好日子过了吧！
后来阿芳两公婆过左半年左右就离开家来左我家附近开店做生意，做生意要本钱吧？家婆讲了，借就得，比就无，好！阿芳左夹右夹凑左十万，店开张了，门面做生意，阁楼住家，远离佢个位奇葩家婆，安静日子过左无耐，家婆又来搞局了，有次我同自己阿妈带B女去游水，回家时经过阿芳店面，就倾左几句，阿芳家婆以为我个系仔，我个女系生得似男仔相，就猛甘将两个BB凑一齐玩，后来言语中知道我个系女，当住我妈面讲左句“成家蚀本货”，我比面阿芳，忍你！好似伊家自己唔系女人甘。
阿芳系一位好会持家嘅女人，店铺生意半年就回本了，但阿芳两夫妻想扩大，就未将钱还比家婆，佢个位家婆奇葩本色又来了，竟然将阿永堂哥一家带到阿永店铺，话阿永开店借左堂哥钱，一系还钱，一系将店铺比左堂哥抵债，我点会知？我系现场吖，阿永堂哥两公婆、父母共四人，二对四，阿永阿芳点系对手，中间话语我就唔讲了，太长，结果就系阿芳两公婆退出，拎住赚番来个万零蚊就番左屋企了。
一直到伊家，阿芳两公婆都只系打工，一家三口分红加收入，日子过得几好，我地联系亦唔多，因为我知道，阿芳经历甘多，已经学识点样保护保障自己。
来自[移动wap版]

BB爱美丽

插一个小曲，有关阿芳老公家姐的，就叫阿姐吧！
阿芳结婚前阿姐就嫁外省并生左个女，阿芳刚开店时阿姐以为细佬想分身家，就番娘家死作烂作，话要买楼，要求娘家比钱支持，记好，系“比”，唔系“借”，当时阿姐已经怀孕，并知道又系女，阿姐话如果娘家唔赞助钱买楼，男家就会离婚，云云。
阿姐老公实际就系菠萝鸡，由拍拖到结婚，婚后，一直都系跟老婆住娘家食娘家，阿芳阿永有反对过，但无用，阿芳家婆结果拎左十几万出来买左间二手楼比阿姐，事情先消停。
上年听阿芳提过，阿姐第三胎生左个仔，又开始番娘家作生作死要钱，至于有无到手，我就无细问了。
来自[移动wap版]

BB爱美丽

2.阿丽，就系上面提过参加阿芳婚宴的同事。
阿丽同老公结婚三四年才生BB，阿丽生左个仔之后，有一段时间一家人相处还是很平静的，是平静！
阿丽家公一直都做电器维修生意，呢个行业中间的水份，大家懂的。因为系家公店铺时，家公唔准阿丽学维修知识，阿丽前提只想分担老公工作，可能佢家公一开始就怕佢两公婆会分开开店，所以唔准阿丽学，大约系阿丽仔仔一岁半时，阿丽两公婆就另外开店了，离家公店铺就十几分钟车程距离，阿丽家婆好锡个孙，仔仔白天跟嫲嫲，夜晚跟番父母。
有一日早上，阿丽家公带住仔仔食早餐，系当地生活左十几年，周围都系街坊，大家倾计都系开开玩笑又一日，有个街坊睇住阿丽老公长大，就对住仔仔讲左句“你都唔似爸爸个样，你爸爸细个时块面无甘圆”，好死唔死，仔仔个样似十足阿丽，当然同爸爸有D分别啦，就呢一句玩笑话，阿丽家公开始作了。
当日家公先揾阿丽老公番来，问阿丽老公，有无发觉阿丽生仔前有乜唔妥，个仔出世后有无见过D乜嘢奇怪人来睇个仔，阿丽老公系好锡老婆个种，与阿芳老公个种妈宝对比系两类人，当场就反驳自己父母，并表示信任阿芳。家公见离间唔到个仔，就发烂渣了，竟然将阿丽老公反锁住系屋企，即刻去到阿丽铺头，二话不说就开撕，又会甘岩，阿丽两个阿哥阿嫂当日就系铺头聚餐，阿丽无见过呢种场面呆晒，后来好在大佬安稳住家公，家公先讲原因，中间仲要夹住D粗口，话阿丽比人QIANG JIAN生到仔，仲话阿丽结婚甘多年都无怀孕，肯定自己个仔有问题………真系狗急跳墙，乜都up得出。阿丽话晒有两个大佬，个日家公婆无讨到乜嘢结果就被赶出门了，听阿丽讲，后来家公婆仲去阿丽娘家吵过几次，要阿丽娘家揾个jian夫出来，阿丽娘家都唔系食斋嘅，家公婆又系讨唔到着数比人赶走。最搞笑有次吵去阿丽娘家嘅理由系，家公唔见左部电动车，话系阿丽个jian夫偷左，实情系家公出街食早餐，停左系早餐店门口，后来店主揾上门先记起忘记开番屋企。
阿丽结婚第二年家公全款系市区买左间屋比阿丽两夫妻，就系上面件事发生后，家公系阿丽老公，阿丽娘家处作唔起乜嘢风浪，就将市区个间屋卖左，个一年08年，当时房产证未过五年，房产价值约30万左右，家公婆就20万卖左，并自己贴钱交税，一个月唔使就买左间屋了。阿丽两公婆就另外租屋住，远离家公婆，但求平静。
可能老人家作死嘅心态始终未能平静，终于还是要求做亲子鉴定，阿丽要求的，实在被两老折磨得太辛苦，搬屋搬到边就吵到边。有一日阿丽约左我同阿芳出街食饭，就个一日两老与阿丽老公带住仔仔去做DNA。
两老仲专门加钱做加急，结果出来后，确定系阿丽老公嘅骨肉，两老无晒声出。过左大约半年后，两老慢慢回过神来，第一样谂到乜嘢？无错，就系个层楼啦，竟然跑到中介吵，话中介无维护佢地利益，蚀本卖楼仲要贴税费，哈哈！慢慢后悔吧！
之后好长一段时间我都无联络过阿丽，直到今年年头，我住院安胎，阿丽与阿芳来探我，阿丽系家公卖楼之后过左两年就靠自己供左间二手楼，最近睇紧新区嘅电梯楼，打算全款购买改善下生活，真系苦尽甘来，阿丽家公可能年纪大左，后悔曾经做过嘅事，阿丽上年买车，佢家公拎左十万出来，但阿丽无要，点敢要？心中的刺无甘易拔出。
来自[移动wap版]

BB爱美丽

回复 月明鸟栖 的帖子

唔难理解啊云，巨父母可以话全家靠上去了，真系离婚，以啊明家底，养两个小朋友唔成问题，如果小孩跟啊云，男家就只负责子女养育费，分分钟连啊云都可以唔使养，成本比现时低好多。啊云唔系傻既，就系被父母教得唔识分是非，唔识分事情轻重。

BB爱美丽

回复 晋誉仔 的帖子

过年那次聚餐，啊云讲想将现时住的婚房卖左巨，话嫌细，再系另一个大型楼盘买新楼，巨家公婆都赞成，无论买边度都会系买左旧屋基础上再全款支持，只有一个要求，间屋写啊明一个人既名。至于后来有无买就唔知了，毕竟每次消息都系啊云巨个人忍唔到先会话比我地知。个晚聚餐有个朋友做中介，话间屋放左大半年都无人问，可能仲要等下。

BB爱美丽

仲有几个故事，唔知大家仲有无兴趣呢？今晚用电脑再发

BB爱美丽

4、啊雪系我在专卖店工作时认识的，认识时我俩已经感觉大家认识很久一样，乜嘢都可以倾一轮，就算直到依家，无论几时见面隔几耐见，我俩都是那么交心。
后来啊雪就跳槽到金行工作，工资比较高嘛，那一年05年，我表哥从上海大学毕业回来，档案一回到本地就被银行睇中，直接收入贷款部，当时月薪约四千五左右，我系专卖店底薪都不过八百，啊雪系金行加埋提成约2千左右。我认为啊雪是一个很好的女孩子，我就将啊雪介绍比我表哥，表哥五官分开睇真系丑，但拼凑埋一齐比面D讲就系比路人甲更加路人甲，当时介绍比啊雪就系想有机会亲上加亲，点睇前途，表哥都系潜力股。但啊雪同表哥相处几次后就唔愿意了，20零岁既女仔，外貌协会唔难理解，我明白，事情就这样不了了之。


大约07年中，我从另一好友啊金中得知啊雪交左个年纪比巨大好多既男朋友，我问啊雪点解拍拖都唔讲啊？啊雪言语中伊伊哦哦，话有机会先介绍我识，07年低啊雪又跳槽去左第二度工作，当时我仲凑紧女，无乜点联系啊雪，阿雪入职无耐就发现有左，我问啊雪打算几时摆酒？啊雪话早孕反应太劲，摆到会话我听。过左无耐，又同我讲唔摆了，原来啊雪老公系二婚，家婆话生完先再摆，不过当时啊雪家婆已经系一个高尚楼盘交左订金，啊雪生完无耐就可以收楼了，我觉得结婚系两个人既事，唔摆酒都无所谓吧，反正啊雪家婆都支持首期买房了。
啊雪后来生左个女，我与啊金一齐去医院探，去到医院时系夜晚，只有啊雪老公一个人系度，啊雪一副欲言又止甘，倾左无耐我地就走左了。

啊雪出院后打过电话比我，我仲问啊雪婆家系边，我上门送礼，坐月家婆照顾好正常吧？！啊雪系电话就一面喊一面讲，出院就番左出租屋住，巨老公每日早上先去市场买餸，整好煲汤就番村里面开车车树【啊雪老公家承包山林种桉树】，啊雪系早上顺产的，产房门口有啊雪老公与家婆，啊雪自己亲家姐，家婆一听到生女就即时黑面，安排好啊雪入住病房后，啊雪家姐要煮饭就先番屋企，家婆见啊雪家姐走左就话头疼都走埋，所以生产当晚我地去到啊雪有嘢想讲唔敢讲就系呢件事，我个时要凑女，想帮都帮唔到，好在啊雪家姐同自己亲大嫂帮左巨唔少忙。
后来又听啊雪讲，原来啊雪临生前先知道老公之前之所以会离婚就系因为结婚好多年都无所出，检查出系前妻问题，家婆就逼两口子离婚，所以啊雪有左都唔摆酒，就系想睇下生仔定女再决定，B女出世无耐，已经交左订金个层新楼，家婆宁愿塌订都唔肯办手续，B女满月家婆话唔准摆酒，话生得个女，最好唔好比人知。太作了吧？！


最可恨系啊雪老公，我个时知道左啊雪处境后当面闹左啊雪老公，明知自己啊妈甘既品性，当时拍拖都唔讲清楚，等到啊雪有左，无声无息连餐饭都无就罗个结婚证甘大把，啊雪生左BB都要自己煮饭自己照顾个女，仲要做晒孝子番屋企帮手种树，每月罗个二三千当工资，买糖唔甜买盐唔咸！啊雪老公听完我讲，声都唔敢出，甘既男人，真系唔知啊雪以后要点相处落去。


跟住落来几年，每次见啊雪都会听到巨比家婆闹既事，家婆要求啊雪再追多个仔，点都要照到系仔先可以生，唔系就永远唔可以过节番婆家食饭，原来结婚生女三四年，家婆都唔准啊雪带个女番村过节，过年都唔得。啊雪家婆同啊丽家公 一样甘好战斗力，啊雪搬屋搬去边，巨家婆就吵到去边，吵到个个屋主都退钱要啊雪搬走，直到啊雪叔仔结婚生左个仔，啊雪先叫有番D安静日子过下。可惜家婆既报应始终早到左，啊雪叔仔个老婆不是一盏省油的灯，啊雪家婆作，叔仔老婆更作，调转头家婆比叔仔老婆折磨到要搬去啊雪度住，甘先避得开。


上段时间同啊雪食饭，啊雪话家婆将二十万比左巨，话要巨自己买楼，我疑惑紧，啊雪解释我听， 原来家婆老了，近几年本地禁止种桉树，生意断左，打算一心凑孙，但叔仔老婆禁止家婆靠近，家婆就想靠番啊雪俩公婆，啊雪个女都读书了，生得可爱又乖巧，家婆见到就后悔当年自己做过既事，依家想弥补，我感慨，既然家婆老了，唔好计较甘多了，只要唔好再生是非，点都系你家婆，过去既事就过去啦。啊雪系一个好善良既人，我知道巨都唔会再计较以前。





点解呢个世界甘多重男轻女既家婆呢？难道你自己唔系女人咩？女人何苦为难女人？点讲B女都系你个孙，难道你想以后再老D，连个孙都唔认你先开心？

BB爱美丽

   

bclig 发表于 2016-08-21 09:08
4、啊雪系我在专卖店工作时认识的，认识时我俩已经感觉大家认识很久一样，乜嘢都可以倾一轮，就算直到依家 ..

整定嘅，当时我介绍表哥比阿雪，阿雪嫌我表哥唔靓仔，后来阿雪系不停搬家避家婆个段日子，对我讲，后悔无拣我表哥，先唔讲我表哥系银行工作几年就靠自己买房买车，起码我三姨唔系一个作生作死的家婆，嫁人有无钱唔系最重要，最紧要三观正，识分是非，爱锡老婆孩子。毕竟，宝宝这性格脾气的老公，还是潜力股嘛。
来自[移动wap版]

BB爱美丽

5.婷婷系一个思想品性都非常非常单纯嘅女仔，当你与婷婷相处一段日子，你肯定会感概点解世界上会有思想甘单纯嘅人。
系前年巨识左个男人，五月头我两个一齐去澳门玩，我仲问婷婷我妈想介绍个男仔比佢，有无兴趣见？婷婷当时好积极，但系六月中，婷婷就同我讲要结婚了，佢同个个男人识左三个月唔够就登记，连人地屋企有三个大佬两个家姐都系登记后先知，巨老公登记前买左楼，登记后将张工资卡比左婷婷，讲得几好听，话要婷婷份工资供楼开支，巨份工资就存起来，婷婷做手机销售工资个个月上三千五以上，巨老公打厂工先得二千几。
由摘日子到摆酒四日时间，巨老公话好想拉拉声娶婷婷做老婆，实情就系男人个啊妈快唔得，娶老婆来冲喜。
过大礼了，男方死话穷，穷到连几千礼金都比唔到，我朋友就自己罗左三千五比家公，由家公比女家，女家唔知情再贴多千几，凑够五千八比翻男家。
最好笑就系结婚第三日，婷婷同我哭诉，话巨老公个啊嫂发烂渣，话婷婷结婚所收既人情应该比翻家公，由家公分左比几兄弟。最可恨就系巨老公竟然唔帮自己老婆，仲想就住巨阿嫂，真系一样米养百样人，乜七人都有。
最搞笑就系巨登记左当晚话比我知，我问巨“你屋企人知道无？”“我今晚话左啦”
“你登记左先讲？登记前无同屋企商量过咩？你点有户口薄？”
“唔使啦，我娘家之前买楼，D户口薄系我度，我登记左咪话声老豆听咯"
"你知清楚个男人底细未？巨平时同D咩人玩？巨揾几钱一个月？巨有无做婚前身体检查？巨屋企D人有几多关系系点你清楚无？
”你问既我全部唔知喔，但我知道巨买左楼，宜家供紧“

其实婷婷当年先24岁，真系唔使急住嫁，巨份人好单纯，单纯到自以为世界无坏人甘，因为婷婷阿妈系当年过左身，婷婷就听左男家D“歪理”，话婷婷当年唔嫁，三年后就嫁唔出了，就系巨登记前几日，我啊妈仲打算介绍个系独生仔比巨识，男方系做技术类工作父母都领紧退休金，婷婷知道后仲答翻我”你早几日同我讲啊，我唔拣呢个住“
晕。。。。

结婚当年，婷婷间新房摆入伙酒，因为我阿叔开酒楼，婷婷就同佢老公家姐上门问价，个晚婷婷无出过声，全部都系家姐一轮嘴讲，普遍酒楼都系用冰鲜肉做食材，我阿叔就习惯全新鲜材料，价格比其他普遍高三成左右价格，家姐就话啦“我伊家要求你可以用冰鲜料，每围台坐12个人，每个人要食到饱仲要有打包，每围台预算三百五蚊”哇！穷鬼托世咩？！350食到12个人饱仲要打包？我阿叔听到佢讲就拒绝左了，生意可以少做，品质唔可以求其，阿叔就用甘嘅理由打发左佢地走。后来婷婷老公大佬就系第二间大排档订左十围，据说个间大排档老板系大佬朋友，为左系边度摆入伙酒，婷婷个几个大伯大姑仲吵左一轮，我起初仲以为边个比钱边个话事，直到入伙酒过后成个月婷婷先话我听，入伙酒系佢自己婚前嘅存款，摆酒当晚负责定酒个个大佬两公婆争住收人情，婷婷自己都以为大佬会比番D人情来埋单，到结帐时竟然全家人走晒，留底怀着五个月身孕嘅婷婷一个系酒楼埋单，佢老公借口要送客唔知几时走左，晕死…………当时我唔应该甘快走，想为婷婷争个公道都无机会。

我所居住个镇唔大，想问一个人底细好容易，有次我老公一班朋友来铺头食饭，甘岩见到婷婷两公婆，其中一个朋友话我听，婷婷老公年头先同一个拍左六年拖嘅女仔分手，呢个朋友同婷婷老公前任系同学，前任嫌婷婷老公太多兄弟姐妹，成家人都好似菠萝鸡甘，见一次噤一次，做水鱼做到怕，男家仲要求前任要自己贴埋大床嫁，前任先鸡甘脚走嘅。我先明白点解婷婷嫁得甘快，原来中间有甘嘅内情，当然，呢D嘢我唔会讲出来，我都想婷婷过得好嘛。
本以为无家婆嘅家庭是非会少D，但婷婷嫁个乜嘢家庭？净个几个阿嫂家姐都够折磨了。次次见婷婷，一次比一次瘦，老公份工资要供楼养家，仲要预算不定期被个班大嫂揾着数，食都唔慌饱，婷婷问我借过几次钱，几百几百甘借，我知佢困难都无乜点追，巨经常会讲男家D人点吓巨，其实怨来都无用，路系自己拣，点样行都系由自己负责，所以话，女人嫁人真系要嫁对人，唔系就真系日日膝头哥缴眼泪。
仲未结婚既广大网友，唔好成日话想结婚无对象，为对家人有交代而结婚，对双方都系不负责任行为，慢慢来啦，缘分由天定，要相信，总有那么一个人，在对的时间等着你。

BB爱美丽

最近两日网络有D问题，仲有几个故事可以八卦下，等我回来…………

BB爱美丽

回复 猫猫Eveline 的帖子

对！总结得太好了。婷婷家境一般为左供养细佬，与两个家姐都系初中未读完就出社会了，家中男尊女卑既心态系父母灌输比巨，加上婷婷出社会后所处既环境，比好多人教巨只要有房就可以嫁既观念，巨咪睇唔到其他事咯。甘多个主角，我最同情亦都最帮得多婷婷，实在唔忍心父母靠唔上，老公唔重视既女人。

BB爱美丽

回复 g228977 的帖子

我会话你听，我结婚前五六年都系甘度过，直到家庭中发生某些事，我老公先慢慢向番我。

BB爱美丽

好多日无上来，等我再顶番上

6.讲呢个故事真系讲出来你地个个都唔相信，如果唔系我身在其中，真系唔知道呢个世界会发生D甘狗血既事。呢个故事我要着重讲，会好长气，我会分几部分讲，希望大家原谅我既语言表达能力有限。
唔知大家仲记唔记得｛溏心风暴｝里面，唐仁佳个极品亲家？如果你地遇到，会点样应付？

多多与少少从初中到高中同一间学校，成绩好，相貌路人甲一名，过得去，性格内向，大学考到外省一重点大学，父母系工厂工人，家庭环境一般，多少结婚前一直住系好旧既楼，有个“蒸生瓜”大佬（后面会简单讲下多哥）。
少少系独女，父母经营公司，物业与钱都有，生活无忧，性格属于淑女性，系我地班好熟好熟既朋友面前就好开朗。

巨两个拍拖既事我就唔讲甘多了，重点讲巨两个大学毕业后发生既事。
少少父母知道多多少少一齐后有过顾虑，但因为多多成绩好，又考到重点大学，少少父母出于对独生女溺爱，都默认左。

大学毕业番来，少少父母要求多多考公务员，其实无乜唔好，父母都想子女归宿有稳定体面既工作，但多爸唔制了，仲专门上少少父母公司吵左一轮，话少少父母想害多多，因为备考呢段时间多多唔可以揾工做无收入，又要求少少爸安排多多入公司，工资待遇一样唔可以少，好在少少爸拒绝左，后面发生既事真系一额汗。

本来少少父母已经要求少少入公司，得一个女，以后都系要少少继承，但少少为左多多，都考埋一份，点知最后多多无考上，反而少少考上左本地一家待遇超好既单位。多多考唔上，父母又要求比家用，最后都系少少爸出面，帮巨揾左份对口既工作。

日子就甘过左两年，两人要结婚了，系两家谈论结婚事宜时，少少家得一个女，又考虑到多多家庭，少少爸对多多家无乜要求，礼金随意，少少爸讲已经全款买左间电梯房打算当婚房（房产证写少少名），另外加一卡铺位（租由少少收，房产证系少少爸名），婚宴各家摆各家。

作为男家，女家都做到呢个份上了，应该知足了吧，但多爸又唔制了，要求少少家系婚房与铺位房产证加多多名，理由系多家养出一个大学生唔容易，都未为自己家买新房又未为自己啊哥婚事办好，爬左啊哥头就甘结婚觉得自家唔抵，礼金就唔比了，反正少少家有钱唔旨在，金器个D更加无。反正当晚交谈不欢而散，多家真系多要求到无人有，多多与少少结婚唧，多家连多哥既工作都要少少家包埋。
呢D我地都系之后听少少讲，个个同学朋友都一片哇然，真系一山还有一山高，多爸将自己个仔当乜嘢？“嫁”入少少家？就算入赘，你地有乜嘢道理要求甘多？连多多份工都系靠少少爸揾既，作父母都唔应该面皮甘厚吧？！其实多多系私下有向少少父母道歉，少少家觉得唔应该为难少少，就无再追究。

BB爱美丽

接上，接上～～～
婚房装修好后，多爸多妈又上少少家吵过几次，要求以后与多哥一齐搬来住，少少唔肯，多哥个蒸生瓜傻到“威胁”少少，话如果唔比多家好过，多多就唔娶佢。我呢边好多已经发家嘅老板，普遍唔会将“起家”嘅屋罗来卖，少少父母名下有间旧屋，系创业时期租住嘅，后来赚左钱就买左，多家见新屋抢唔到就及中左呢间，成日有意无意话自己间屋旧，多哥都无人肯跟……，后来少少爸考虑到多一事不如少一事，就将间旧屋重新装修，好让婚礼当日多家唔会要搞事。
礼金方面少少爸预先比左三万八，一D戒指金链之类比多多，要求时多多过大礼时罗翻来，系少少家亲戚面前罗翻D面。点知过礼当日，少少家反转成个担，除左D“掷死狗”大饼，挤得出水嘅糖，净得八千蚊现金，多多话唔知发生乜嘢事，多'家派来嘅媒人婆一面惘然。少少爸后来问多家，多妈傻得够彻底，问翻少少爸转头，“乜个笔钱唔系赔比多家咩？”原来多家以为多多读左个重点大学好巴闭，娶左少少都委屈，觉得少少爸拎三万八系为左补偿多家真系替少少家委屈。

结婚正日开始我地仲庆幸紧多家无搞是非，点知到饮茶时又来了，多多嫲嫲外婆都比左金器与利是比少少，其他亲戚都系比利是，少少一收左就递比伴娘，点知之后直到去酒楼开饭，多妈都跟住伴娘，伴娘之后讲翻我地听，多妈烦到死要求伴娘将所收礼全部比晒佢，如果唔系少少爸提前打过招呼，伴娘真系想一把刮过去。

过左好耐少少话我地听，其实多妈目标并不是结婚个日所收嘅礼，而系为多哥系少少家再“抢”着数


够钟煮饭，迟D再上
来自[移动wap版]

BB爱美丽

   

月明鸟栖 发表于 2016-09-02 17:36
😁少少，这个富家女，钱多人丑吧？？？？有何隐疾么？？？？纯属不能理解，中立无恶意滴疑问……..

如果唔系怕被人肉真想贴男女主张相出来，少少唔算靓女，属于耐看那类，真系唔丑，嫁多多系脑入水了，佢唔明白多家系无底洞，以为婚姻系两个人嘅事
来自[移动wap版]