呢几日，BB唔知点解无故发烧~~前日傍晚开始发~~啱开始系38.8~~跟住俾咗美林俾BB食，跟住夜晚12点几，我JP（BB同佢训）就话BB好兴，我就同佢探热，39.6~~再俾美林佢食~~（离第一次食过咗6个钟啦）食完之后，JP就话，唔得啦，要去睇啦~~（其实我就唔系好想睇，我想等到第日早上先去睇，因为觉得急诊D医生嘛嘛哋，都好求其咯~~）咁JP坚持话要去睇，好啦，咁就顺佢意，去睇啦~~同佢两个人打车谂住去区儿童医院啦~~点知去到，居然话冇得睇啦~~（原来系挂号挂到11点45分）个保安叫我去市儿童医院~~真系唔想去果间，但系冇办法~~一去到~~哇~~人多到傻~~基本个个都贴住片退热贴去噶~~仲要得一个医生~~ 结果系果度等咗两个钟，先到我哋睇~~果时BB已经退咗烧~~个医生求其咁睇咗吓，就开咗三盒药俾BB，话唔洗打针~~番到屋屋都3点啦~~到咗寻日，BB一直都系断断续续咁发烧~~到咗下午3点几，我阿妈话，唔得啦，不如再去睇吓啦~~咁就去咗屋屋对面噶省第二中医院睇~~结果医生都系话唔洗打针，开咗D中成药同埋D中药俾我BB冲凉~~值得一提噶系，呢次我BB发烧同之前几次唔同，之前果几次佢好快就好番~~而且系全身都好兴噶，但呢次就系个身兴，手脚系冻噶~~后尾到咗夜晚，BB特别扭计~~冇乜精神~~我JP就抱住佢系个厅度睇电视~~BB已经想训想训咁啦~~但系又时不时咁惊醒同埋喊~~开头都冇乜噶，点知BB突然手脚系度猛咁郁，仲要呕埋白泡~~~两只眼系斜望噶~~定晒型咁~~眼神好空洞~~叫极都冇反应~~吓到我同JP咩咁~~我JP就死咁按住BB噶人中~~叫我罗D药油俾佢搽~~跟住佢衫都冇换，乜都冇带就跑落楼，话即刻去医院，当时LG去咗打球~~我就嗱嗱声换条裤，套件外套~~连BAR都冇着~~系呢个空档，打电话俾LG，叫佢即刻打部车番嚟屋企街口等我哋，再打俾我妈~~叫佢哋即刻去医院~~罗咗银包，手机同病历医保卡，就关门走人啦~~连锁匙都冇罗~~我JP就死咁系楼下叫我快D落嚟~~一路行出去，BB都系冇反应~~当时真系好惊~~一路喊住一路打俾LG，问佢到未~~呢个时候，BB终于有D反应，喊咗出嚟~~跟住去到区儿童医院~~当时系10点几~~我妈已经帮我排紧队挂号~~但当时有好多人系度计紧价~~我就同个收钱噶讲，我话我BB呕白泡吖，可唔可以同我挂个号先？？挂完号，就上去二楼，个护士俾咗探热针我，先探热~~一探：40.3度~~吓到我吖~~咁大个女都冇见过条水银去到咁长噶~~跟住个护士就同我个病历盖咗个特优噶章~~仲叫我哋唔好包到佢咁实~~俾佢散吓热~~我就即刻走去医生度睇~~医生叫我滴完鼻之后去验个血~~结果白细胞唔高?~~又话唔洗打针~~我妈就话，打针会唔会好得快D？？个医生就话冇必要打针，炎症唔高~~后尾讲番，我妈话我细个都系咁样~~一发高烧就抽筋~~但就冇呕白泡~~哎~~当时噶情况，真系吓死我吖~~~ 好惊BB有事~~

BB寻晚开始终于退烧啦~~发咗三四日烧~~今日终于冇再反复啦~~ 系呢度，真系好多谢咁多MM~~亦都教咗我唔少~~不过自己遇到咁噶情况，真系会手忙脚乱~~个心都未平静落嚟吖~~谂起就惊啦~~但系MM们对我BB真系好关心~~哈哈~~太多太多噶留言啦~~冇办法一一复~~但系真系好多谢各位MM们对我BB噶关心~~ 我BB应该唔系小儿急疹~~因为佢冇出到疹~~我怀疑一个系出牙仔~~第二个系长骨~~（因为我BB太矮啦~~）再嚟就系医生讲噶病毒感染~~不过呢次睇见BB食药真系好辛苦~~食完又呕~~又要再喂过~~