yanhdj

韬韬差唔多10个月拉，睇住巨一日日长大，突然觉得时间过得飞快，好似有好多开心既时刻匆匆流逝，好怕自己太忙或者年纪老迈会忘记晒， 好似好夸张！所以决定凭回忆将记得既野先记低巨，以便日后回味。也写上哩比各位妈妈参考一下，为日后你地有类似既情况打定基础，哈

好，哩拉！怀孕篇

         2007年2月既某日，突然同玲师奶讲笑甘讲起，今个月未哩野，玲师奶话：会晤会系有左啊？跟住教我，你翻去check体温拉，如果系36.8度至37度几既话就有可能家拉。我觉得好奇怪，乜原哩会甘加？！不过也不以为然，因为成日听群里面既朋友讲，有bb系一件好难既事，所以哩个月做左三次都特登唔做安全措施，但系系危险期只有一次，一击即中？唔会甘好彩挂！翻到屋企，贪得意量左一下体温，36.8度。姨，可能系米刚刚行翻哩，热啊？！食完饭，再check一次，都系36.8定系36.9度，可能。。。。。。系米食完饭热dd呢？！我开始有d觉得唔对路拉。到左第二日早上再check左次，37.2度。六合彩又唔见我中，我知道，居然真系甘好彩，就哩要做人地妈咪拉，心里面泛起阵阵喜悦。跟住个两日，我都间唔中会check下体温同埋每日早上都罗验孕棒验，体温就持续都系36.8度以上，但系验孕棒就点都未显示到有卜，为左万无一失，也为左比老公一个惊喜，我一直都无同巨讲哩件事。脑里面总系泛起电视里面个d老公听到老婆有左个一刻既惊喜表情，唔知巨会点呢？！点知，巨居然无拉拉问起，姨，你应该哩野拉波，今次迟左既？！无奈之下，讲左比巨听，一听完，都未知系米真系有左，就真系好似d电视剧情甘，巨一阵惊喜，翻到屋企，即刻唔比我猫低身罗鞋换，帮我罗埋，换埋，哈，我变成女皇拉！！！之后几日，连续用晨尿验左几日，开始出现两条线拉，第一次见到两条线个时，有种讲唔出既感觉，我要做mami拉，我真系要做mami拉！！！老公也都好八卦甘成日走入哩偷睇结果。虽然唔算系计划内既bb，但系对于就哩要做爸爸妈妈，我地都比较欣喜，心里面泛起阵阵幸福的涟漪。


    跟住哩10个月,开始以为系非常难熬非常辛苦既漫长旅程,点知,因为两家人对我呵护备至,居然到左差唔多生得既时候好唔想巨出离哦,比甘多人宠系手心既感觉实在系太好拉!

    因为系意外既bb,所以之前林住过年去马来西亚既沙巴旅行,潜水既,咩都准备好拉,年三十晚早上去医院确诊左系有左拉,晚黑就要飞咯,记得自己仲好天真甘问个医生,医生,我可唔可以去旅游啊,医生话,最好唔好拉,人多既地方细菌多,容易感染,你衣架怀孕前三个月,要小心d哦!跟住问,医生,我可唔可以潜水啊?医生话,下?!最好唔好做剧烈运动啊.问完都觉得自己好鬼傻,嘻嘻!不过医生话从哩无听讲过怀孕唔可以食虾蟹羊肉之类既野,话都系无稽之谈,学到野拉,哈,不过宁可信其有拉,整个孕期都唔系几敢食哩d野!

[ 本帖最后由 yanhdj 于 2008-11-10 21:50 编辑 ]

yanhdj

多谢各位妈妈支持，我今晚继续写！！！

yanhdj

   

原帖由 banban22 于 2008-7-24 16:40 发表
我同LZ有D似，不过我知道有左之后，照样同LG去左巴厘岛玩，而且仲潜水添，哈哈，个个都觉得大胆

睇落去你就知，我都有照去啊，仲坐大飞添，你话颠吾颠？！甘都登巨吾出离，注定我同韬韬有缘分，哈 原哩家下d妈咪都系甘大胆既，嘻嘻

yanhdj

   

原帖由 迎接新生命 于 2008-7-24 17:13 发表
我好钟意食虾添，应该吾怕卦。

个医生话唔怕加，仲话虾有蛋白质，有益添，不过人人都话唔好，所以我都系食少量咯，但系系三个月之后，三个月里面系应该小心d既。

yanhdj

   

原帖由 abeca 于 2008-7-24 23:37 发表
好期待 后面的顺产经历和bb成长经历怎样啊？

努力编辑中，多谢各位妈妈支持

yanhdj

    于是,年三十晚,我同老公拖住大箱细箱，出发去沙巴拉.讲起哩个旅程,回想起上哩,真系有d佩服自己既胆量.首先,系坐飞机,听人讲,机场既安检射线系好犀利既,比照bc既射线强n倍。我去到安检，以迅雷不及掩耳既速度行左过去，林住甘样影响既几率就细d，哈，真系天真！跟住，上左飞机，老公非常小心甘帮我扣上安全带，好似好惊条安全带酷亲b仔， 飞机起飞拉，成个飞行过程，老公都好鬼担心，一有气流第一时间揽实我先，慌死den亲个肚，点知，哩d都仲系小儿科。终于，哩到沙巴，阳光，海滩，令人神往。可惜啊，因为自己大头虾，唔知电话开左长途无开漫游系打唔通电话翻离广州既，仲要叫老公唔好带，等我带就得拉，晕得一阵阵，搞到几日系度奔波稳电话卡，系酒店打左两个电话翻离报平安，一分钟11蚊，肉痛到啊！跟住，最罗命既哩拉，去到第二日，因为要去一个小岛，老公特登问过个导游，系坐咩船，个导游话，系坐邮轮，哇，邮轮哦，甘大个女都未坐过，肯定好好玩拉。点知一去到，发现原哩系坐大飞，哇，加大飞真系飞甘标向个小岛，不断甘迎住浪，飞起，撞翻落海，飞起，撞翻落海。我觉得好刺激啊，好鬼开心，但系老公个心就吊到上喉咙丁，吓到连栏杆都唔扶，系甘扶住我，衣架林翻转头先至觉得，其实真系好危险哇。去到小岛，老公去左浮潜，我唯有系岸上玩psp，阴功，罗几千蚊去马来西亚打机，真富贵！老公话d珊瑚好靓，d鱼好靓，就好似电视上面既海底世界，555555555 恨死我拉！跟住，又一次飞起，撞翻落海，飞起，撞翻落海甘坐大飞飞翻翻岸边，只猪又一身冷汗 终于，完成左5日极度无聊既旅程翻到屋企，4个老野个心终于放左落哩，担心到个个都无觉好训，哈哈！

    跟住落哩个三个月，其实应该讲前大半既孕期，都唔系好食得，特别系前三个月，一d胃口都无，听人讲应该多d食d核桃啊，花生啊之类既坚果，老公同阿妈买左一大堆翻离，可惜我食一旧，两粒就唔想食拉，成日觉得闷闷既感觉。全家人为左我可以食多d野够营养比bb，只要我一林到想食咩，就想方设法甘买比我食。但系好奇怪，突然会好想食某样野，但系买到翻离，都系食吾落。但系为左唔好辜负家人一片苦心，我都系尽量甘食多d，食多d，再多d，哈！记得因为我既一句话，老公就7点钟罗住个兜由天河城跑去宝岗大道买砂锅粥比我食。阿妈成日都话我，甘样奴役个老公，但系我知道，巨其实系好开心我只猪肯甘样为我奔波既；而只猪也都好开心甘望住我食，只要我食得落，就好似系巨自己执到金甘。好好彩，成个孕期都无点呕，唯一一次系4月1日，老豆生日，出去食饭，都唔系食好多，但系好似食滞左，几个钟之后狂呕一轮。哎，一个难忘既愚人节！

[ 本帖最后由 yanhdj 于 2008-7-25 21:33 编辑 ]

yanhdj

   

原帖由 黄小路 于 2008-7-25 16:31 发表
哈哈，lz写得好搞笑啊，期待ing

yanhdj

   

原帖由 clearlin 于 2008-7-25 16:14 发表
继续!等着看呢!

恩，努力编辑中

yanhdj

   

原帖由 要做靓妈咪 于 2008-7-24 16:32 发表
哈哈，我个时都系甘啊，打算过完年都补蜜月旅行架
但总系觉得有D野会去吾成甘，所以去老公话去旅行社报名我都叫距3月份再去
点知原来系有左

晒料拉，有左个b，有排无得出去咯，我家下出去食餐饭都唔得啊，唔好话旅游拉！

yanhdj

        22周，感觉下面有dd好似水既野流出离，其实系好少好少，依家林翻转头，可能系白带哩姐。话比啊b个傻猪老豆听，点知比巨硬拉左去医院check。个日系6月16日，星期六，吾开诊，个值班医生一听见，即刻要我训上张床，用阴窥器去睇。因为之前未试过妇检，我痛到v哇鬼震。巨又唔系罗试纸直接放入去试，而系用棉签伸入去取d分泌物出离放落试纸度。跟住话，淡蓝色哦，你应该可能系破左羊水拉。虽然巨讲得唔系好肯定，但系个一刻，我个心实晒，问：唔系卦，会晤会有其他物质搞到个试纸变蓝加？个医生罗埋哩，话：拿，你自己睇拉！跟住就要求我住院，但系好惊屋企人承受唔到，而且我知道，如果真系破水，我依家先至22周，基本系好难保到家拉。再且星期六日，根本无咩医生，住院反而仲令所有家人担心，所以我坚持唔肯住院，仲签字话后果自负。临走，医生吩咐，翻到屋企记得卧床，如果再有水流出离要即刻入院。入到电梯，终于忍吾住，泪如雨下，翻到屋企，同老公抱头痛哭，老公哀求道：bb我都有份加，不如都系去住院拉，好无？！跟住哩两日，好似过左两个世纪甘，终于挨到星期一，我地再次哩到医院，点知杜鹃刚好休息，真系屋漏兼逢连夜雨拉！于是，我大胆到咩甘，居然走左去返工，猪老公再次转折稳熟人稳左李萍主任睇下个病历，巨一睇，即刻闹到只猪咩甘，点做人老公加你，甘都仲比你老婆返工？快d叫巨翻离入院！！！只猪为左呃我翻去入院，咩都无讲，搞到我咩都无执就冲翻省人民，到半路，先至知道要入院，身份证又无带，咩鬼都无带。仲要惊动埋我阿妈，激到我又闹左只猪一大餐。跟住，同个医生拗左一阵，终于都顺从甘上左产科检查。经过仔细检查，产科个医生话，无啊，一d羊水都无！！！哇，开心到啊，终于大家都放低晒心头大石。仲要开左张假单休息一个星期添，爽啊！！！老爷奶奶都吓到第二日拉拉临走过哩睇下巨地个金菠萝有无事。最后个医生结论系：可能系高位破水，个裂缝细，已经自己愈合左拉，晕，好似甘儿戏！搞到我两晚根本无点训到，连累到个b添。其实讲真，可能真系我自己感觉错误，而只猪又太过紧张，所以搞成甘，实际系米真系破左水不得而知，也无从考究拉，依家只要韬韬健健康康甘我就开心拉，其他野，咩都无所谓咯，哈！我也因祸得福，可以系炎炎夏日系屋企休息左一个星期，日日训饱就食，食饱就训，梳夫啊！！！哩个星期，再都感觉唔到有水流出离拉，全家人都放心晒。

yanhdj

        25周，7月6日，哩日系我既生日，为左顺便庆祝，于是请左一日假去照彩超顺便偷鸡庆祝。林到今日可以见到bb既第一张相，我欣喜若狂。一早，我地哩到中山医，虽然一早预约左，但系哩到罗预约号都排左几个系前面，林住几个人应该好快拉，点知一等就等左成2个钟头，睇住其他照心脏同埋照其他腹部bc既人照左十几人拉，照彩超既就系唔见叫一个，等到发晒孟争。终于，轮到我拉，入去训上张床度，见到系个女既实习生系度照，一面睇住个屏幕，一面讲：哈，好得意啊！晕，唔系甘好彩撞到个第一日实习加啊嘛？！跟住巨又讲左一句令我好down既说话：“这个应该就是那个东西拉吧？跟住隔离个男医生点点头，跟住巨又话：如果不是的话，要做血流图排除脐带！看来还是不用了，你看，一边大一边小的！”天啊，好明显，我肚里面既系一个雄性既小魔怪！从未有bb开始直到依家，同老公都热切期望可以有个女女，可惜，天不从人愿啊！！！！跟住一个老d既女医生行过哩，个个女实习生即刻行开，个个男既医生就坐过哩同我照拉，晕，原哩哩个男既医生都系实习生，只不过比原哩个个女实习生实习耐d姐，阴功，罗我同我b哩玩。跟住到最后，个个老既女医生坐过哩，可能系照一d比较难照既野卦，系度不断读数据比隔离个个男实习生听。BB可能都比巨地照到吾耐烦拉，打横训左系度，仲要走左上上面添。个医生话：哎，横位哦！个实习生就话，唔系啊，头先一直都系头位加。跟住个医生系甘用支棒督我个肚，想个bb转出离，又叫我起身再训低，想个bb落翻离，点知巨就系唔肯。个医生就话：奇怪，下面仲有甘多位，做咩唔肯落哩？！跟住又系度计数，话：羊水过多哦！我一听，个心又打个突，问：甘有无问题啊？个医生冷冷甘答：多左甘多，你话有无问题啊？！跟住我问：点解会甘既？个医生好吾耐烦甘话：我哩度剩系负责照同埋出结果，点解要去你产检个医生个度问！跟住，我就带住满肚疑问同失落出左去＝结果。出到去，同只猪讲，可能系个仔，巨即刻都down晒，话：下，系仔啊？！惨咯！虽然有d失落，但系见到bb既第一张相（好明显既一个男仔样），我地都觉得好神奇，好开心，虽然仔仔仲系肚里面，但系我地好似见到面甘拉！所有既失落一扫而空，我地罗住张结果睇哩睇去，公公婆婆也好仔细甘品味住张相，概叹哩个科技进步既神奇。

附上韬韬既第一张相，睇下同出世之后似吾似

[ 本帖最后由 yanhdj 于 2008-7-30 12:41 编辑 ]

yanhdj

   

原帖由 tingjun620606 于 2008-7-30 12:51 发表
LZ。。。。你未写完啊~~~等紧噶~！！！！！好心急既呢！！！！

你系米湛江人啊？连写野都用埋湛江口吻既？嘻嘻，好比心机编辑紧家拉！

yanhdj

   

原帖由 yannilau 于 2008-7-30 14:07 发表
甘岩既~~我老豆都系4月1日生日哦~~

甘岩？！一齐出离愚人咯，哈

yanhdj

   

原帖由 didi_why 于 2008-7-29 17:51 发表
好期待,lz加油写!

yanhdj

   

原帖由 恩彦宝宝 于 2008-7-30 18:15 发表
等紧LZ直播啊,呵呵!!!

努力中

yanhdj

   

原帖由 独孤化雪 于 2008-7-31 10:54 发表
BB的图片真的好清楚哦

那张图片跟他爸好像哦

yanhdj

   

原帖由 foricafang 于 2008-7-31 13:05 发表
等着啊，好心急啊

yanhdj

   

原帖由 ELAS 于 2008-7-31 14:12 发表
努力加油～～～

yanhdj

    因为我一直产检都系宫高超标既，所以正印证左羊水可能系多d，所以之后个个星期，我又周围稳资料，睇下咩会造成羊水过多，羊水过多会造成咩危害。点知结果又吓到我忐忑不安，都系d负面既资料。老公同同事都安慰我，唔好担心拉，依家医院d医生成日都吓人家拉，无事既！直到下一次产检，杜鹃开左张黑白bc比我，话照左睇下先：多大的缸要养多大的鱼！晕，我仔居然变成左条鱼。于是，8月28日我终于做埋哩次bc，结果好正常，无多又无少，个心定翻晒！之后我同老公决定，再check出有咩问题我地都唔会甘腾鸡家拉，好似次次检查都有d大问题，但系又次次都系无事既，都系唔好自己吓自己，搞到吓亲仔仔。

   个肚越哩越大，只猪居然越哩越开心，话原哩我大肚个时系最得意，最靓家哦。晚晚系甘影相，然后就同啊b倾下计。但系，成日都要我下命令，巨先至抽d时间过哩读下诗，开下歌仔比啊b听。所以，其实我地对啊b既胎教都系唔系甘到位咯，唉，对唔住啊，韬韬，爸爸妈妈太懒了，嘻嘻。只猪成日揽住我个肚哩玩，最后，为左可以留住哩一刻，7个几月同埋8个几月个时只猪叫左我去影左两辑大肚艺术相。点解要影两次？因为第一次影得我地好唔满意，后尾系啊仔契妈怂恿之下，我地决定再去影多一辑。好彩，第二辑都尚算满意!

比大家欣赏一下我既孕味照拉，记得送花啊

[ 本帖最后由 yanhdj 于 2008-8-2 14:43 编辑 ]