yanhdj

嘻嘻 我陶醉系奥运既热浪中 之后就懒得写拉 不过既然大家比面 我今晚继续拉 要大家等 唔好意思哇 哇卡卡卡

yanhdj

顺产篇
       1点半左右，我就比d助产士退左入产房拉。入到去，见到有6张床。我比人推左去入面既中间个张床，正正对面都有一个系度生紧，已经到左用力阶段拉。因为无拉拉破水入去得太匆忙，带去既朱古力啊，手机啊，乜都唔记得带入去，剩系系最尾个刻记得罗左支水。跟住，又要我从张推床训过张产床度，今日唯有好似蠕虫甘挪下挪下，慢慢挪左过去。跟住d助产士好粗鲁甘帮我除左条裤，两只脚踏系两块铁板上面。然后系肚度帮住d检测仪器。个鼻就放左氧气管，怕bb唔够氧。

    跟住，一次又一次剧烈宫缩，个种感觉唔系痛，系好想好想向下用力，真系好似想o便便既感觉。虽然上过产前课程，但系到左个一刻，我点都控制唔到自己，每一次宫缩，我都用尽全力甘向下用力，因为每次开始个时都好想忍住，到左最忍吾住个时突然用力，个人都情不自禁博命甘哎出离。D助产士都行过哩闹，话，唔好叫唔好叫，叫咩姐叫！我话：“我忍吾住啊”有个助产士就话：“忍吾住都要忍架，个个生仔都系甘痛家拉，你林下啊，你甘用力法，等于度门未开你博命用你仔个头去撞度门，你话巨会点啊”跟住，有个助产士行过，突然又一次宫缩，我伸手想拉住巨，点知巨即刻跳开，仲讲左句：“最憎人拉手拉脚家拉”个一刻，真系感到好无助好无奈，身边无一个亲人，而d助产士唔系安慰你，而系甘吓你，而且连拉下手缓解下d紧张情绪都唔得。之后，我更加泄晒气，又惊会伤到个b，又忍吾住哦，每次都去到最辛苦个时突然用力，反而个道力仲厉害。哩个时候，对面生紧个个mami已经差唔多超过2个钟头拉，巨唔够力生，跟住d助产士又系度吓巨：“用力拉你，大力d拉，你甘点生啊，一阵要钳产家拉下，你下面又伤，又会整亲你bb架”晕，甘人地唔够力都无办法架，点会甘讲野架。突然个个唔比我拉手个个助产士睇到d数据话，你打侧个身拉，你个b透唔到气啊，心跳超过160拉。刚好个时我痛紧，我话，唔得啊，你帮帮我啊，跟住巨话：“点帮姐，转身你都转唔到咩”之后我，每次痛都捉住隔离准备用哩放出世既bb既床仔上面既海绵，点知又比d助产士话：“因住啊，因住跌落哩啊你”然后仲要罗起块板，慌死我整烂甘。期间，都有个好心d既过哩帮我check左两次宫口，但系都话未得，话背脊未出到，奇怪，唔系出头就出到全身家拉咩。过左一排，我觉得好无助好无助，无晒斗志，于是系度同个个好心d既助产士讲：“唔得拉，我要剖腹啊，你推我去剖腹拉”点知巨话：“你依家去剖？上面剖得哩下面生左拉”于是又过左一轮煎熬。3点钟度，个个好心d既助产士过哩摸左下，跟住拉两条棍上哩比我，话，用力拉！哇，听到哩句我惊喜异常！怕自己听错，我问多句：“我可以用力拉？”巨话：“耿系得拉，我帮你推开巨加诈，唔系甘快拉哦”我听到一头雾水，乜原哩宫口可以推开加咩？！甘我甘辛苦哩做咩，d产妇甘辛苦哩做咩，到今时今日，我都仲林紧哩个问题。但系个时我唔理得甘多拉，拉拉临博命用力，务求快d生左旧叉烧出离就得拉！哩个时候，对面床既妈咪够晒时间拉，有医生入哩，唔知系钳产定系吸引产拉，总之一边搞一边要求个妈咪用力用力用力。但系可能巨实在无食到d咩，而且太长时间拉，点都用唔到力。后尾个医生经一番努力，终于，一个8斤既肥b终于面世拉，怪知巨生吾出拉，原哩甘鬼重，奇怪，点解甘重都要自己生？！跟住听见个医生讲：“伤到肋骨，送去儿科拉”哩个时候，突然觉得好大压力，究竟我个b几大呢？好惊生吾出会好似巨甘整伤个b。于是，每次宫缩，我都出尽全身力甘去推巨出离。差唔多用左半个几钟头，突然有个助产士行过望左下，跟住话：“姨，见到头发拉波。叫***（其中一个接产既助产士既名）准备拉”跟住同另一个讲：“哪，有爆发力其实系可以好快加”我林巨系讲比我对面床既mami听既。我好开心啊，就哩可以见到bb拉。跟住就有个助产士入哩准备拉，戴晒帽，口罩同埋消毒过既衫。跟住同我用d消毒过既布包住对脚，盖住个肚。跟住吩咐我：“唔好掂块布啊，消毒过加，唔系一阵感染到个伤口啊”我唔理甘多，一直博命系度用力。点知，可能用力过度，突然抽筋哦，只脚不由自主甘向前伸，踢到个个助产士。跟住巨又好恶s甘闹鬼我：“我刚刚先至着好d消毒袍咋，有无搞错啊你，你系米想伤口感染啊？！”我好无奈甘讲：“我只脚抽筋啊”但系，都系无一个人理我。原哩，真系好似好多人讲既甘，入到产房真系会好无奈，任人鱼肉，任人摆布既感觉。

yanhdj

   

原帖由 <i>停下翅膀的蚊子</i> 于 2008-10-29 23:22 发表 <a href="//www.nocoii.com/redirect.php?goto=findpost&pid=13121496&ptid=642666" target="_blank"><img src="//www.nocoii.com/images/common/back.gif" border="0" onclick="zoom(this)" onload="attachimg(this, 'load')" alt="" /></a><br />
孕味照真的很漂亮,能不能告诉我在哪家照的啊-----

<br />
名人同

yanhdj

   

原帖由 peggyleung 于 2008-10-30 08:46 发表
LZ写得好详细呀，好厉害。你个仔仔真系好得意呀，好靓仔

多谢

yanhdj

   

原帖由 mannwong 于 2008-10-30 11:25 发表
好搞笑呀，原来生仔都可以甘过瘾，多谢楼主减轻我的恐惧感啦！

晕 乜我真系写得好过瘾咩？！

yanhdj

   

原帖由 小女人@JOE 于 2008-10-30 15:52 发表
吓,甘如果到时想O便便既感觉一来控制吾到甘点啊,好难忍架喔~

难忍都要忍家拉，为左个b好。不过我系忍唔住个个，

yanhdj

   

原帖由 queeniewan 于 2008-11-1 16:27 发表
继续继续啊，写得好好～

多谢支持 韬妈好懒 成日都唔记得要写 哈 大家得闲提醒我哇

yanhdj

    跟住，巨地推左一台手术灯过离，一开，哇，好热。跟住个助产士就开始罗住把剪刀系度稳位侧切。稳哩稳去，同其他人商量左几次，终于决定系左边落手。宜家已经唔记得左有无打麻醉啦，好似记得有。反正巨一剪落去剩系觉得好似有dd痛，dd热，比起阵痛，真系蚊同大笨象比。好奇怪，明明巨一早话见到头发啦，但系搞左甘多野，都仲未出到哩哦，搞到我仲担心巨地动作甘慢都唔知赶吾赶得切接我个b出离添。之后个助产士递起双手系度等，我于是搏命用力，但求快d生巨出离。一边等，一边听到个助产士系度讲：“哩个胎唔系好大加姐” 林都系，我个肚都唔系好大，而且甘快生得出，应该都唔会好大。跟住，个助产士下面按下按下，过左一排，巨突然叫我停止用力，我知道，应该系已经出左个头啦，巨要将个b转位。跟住，巨又叫我继续用力，但系哩个时候，我已经无晒力啦，为免又是比人闹，我唯有扮到好似好用力甘，其实一d力都无又或者出得dd力。D助产士又系度闹，唔系甘用力加，你个背脊甘离开张床，点用到力啊。但系我都无办法，因为之前实在用晒d力啦，又或者个b已经出左子宫入左产道无得比d宫缩逼出离挂。再试左几次，可能个助产士都吾耐烦啦，而且个b可能也出左比较多，剩系觉得个助产士用力一扯，即刻觉得下面“呵”声
有旧野比人扯左出离，随即感觉个肚松晒空晒。哩个时候，一只紫色既袖珍小脚出现系眼前，哩辈子都唔会忘记哩一刻，宝贝仔降临人世第一次出现系眼帘前既一只cao皮小脚。跟住，就听到一连串洪亮既喊声啦。听见个助产士讲左句：“伊，又唔系好细卜，奇怪，个肚明明无地方加拉，个胎点放得落”“哇，你地睇下条脐带”跟住其他助产士过离，帮手清洁，记录时间，上称，包住个b，照灯保持巨既体温等巨适应哩个世界既温度。我迫不及待甘瞄左眼，唉，个照彩超既实习生判断错误既希望幻灭啦，一个袖珍慈菇锭系眼前飘过。跟住就有个助产士行过离，问名啊，打手指模啊，同b仔打脚模啊甘。跟住同我讲，个b重3440克，即6.88斤，出生时间，4点正。跟住要我睇住巨将手环套上b仔既小手上面。

yanhdj

   

原帖由 sijie 于 2008-11-3 13:36 发表
哇，LZ写得超搞笑啊。厉害，可以写得咁清楚

乜真系甘得意咩？我觉得我好惨，5555

yanhdj

产后恢复篇（未生既mami建议直接跳到成长篇，因为怕吓亲你地打击你地顺产既信心啊）

     然后，一次惨痛既长征开始。第一难，b仔出离之后，等左好耐，个胎盘都无一齐流出离。个助产士罗住条脐带系度fing下fing下，问：“你之前有无试过流过啊，堕过胎啊”我答：“无啊”跟住问：“甘有无补过胎或者食好多补品啊”我都答：“无啊”跟住巨就自言自语甘话：“甘无理由哦，点解仲吾出离既”过左20分钟，巨就叫另一个助产士通知第个过离，准备要徒手剥盘啦。我听到好惊，问巨，不如等多阵啦，巨话：“唔得加，个胎出离之后半个钟头内个胎盘就要出离加拉，唔系你会失血过多加”跟住插左尿管，试下放左d尿睇下出吾出到哩，但系我根本就无点饮水，边度有尿姐。最后，终于够左半个钟头，个助产士搏命叫人叫个个帮我徒手剥盘个个快d哩，话够钟啦。跟住有另一个助产士入左哩，戴上手套，跟住一手伸入去，跟住我即刻又觉得有好大旧野夹硬塞左入哩，好痛，好吾舒服。跟住巨话：“哇，个宫颈口好紧啊，都塞吾入去”跟住，巨地啦临唔知准备左d咩药水要帮我打，然后系度研究，打边度好。一个话：“直接打宫颈口啦”即刻有两个反对：“唔得，直接打宫颈口？我地未试过加，个度唔得”跟住研究左一阵，巨地决定打系腰个个部位。我林，如果按照第一个讲既做，可能又会出现一次医疗事故吧。跟住有个过离同我解释，因为我宫颈口太紧，伸吾入去，所以要打支针，打完会好渴，记得饮多d水。话口未完,已经打完支针啦，针刚刚meng出哩，剥盘个个助产士已经即刻伸左只手入去啦，我剩系觉得巨系里面挖啊挖，痛到我好似要透唔到气，其他助产士就按住我个肚。个个剥盘既助产士好用力甘meng，一边meng一边讲，痴得甘实既，痴得甘实既？！唔记得挖左几耐，巨终于用力一扯，扯左一大旧野出哩。然后一堆人走埋去研究，应该系研究究竟meng晒出哩未。跟住过左一阵，巨又走过离，又是一伸，伸左只手入去挖，又痛到我大叫。挖完，巨几只手指互相扫哩扫去，睇挖出哩个d野，好核突。然后同我讲：“拿，宜家肉眼睇就挖清晒加拉，2日后做个产后bc，如果有野残留既话仲要做多次清宫加”我一听，呆晒，唔会甘唔好彩啊嘛，无阴功咯。

yanhdj

   

原帖由 joannapc 于 2008-11-7 10:38 发表
楼主都未复我。。。

妈网好似会屏蔽加 你无认真留意我讲既野姐 我回帖答哩个问题答过n次拉 系名人同×××××

yanhdj

   

原帖由 joannapc 于 2008-11-10 15:42 发表
楼主有无更新啊？期待着呢！

无人催真系无咩动力 好啦 今晚更新下拉 哈哈

yanhdj

    第二难，挖完胎盘，就准备缝针拉。个个助产士系度望哩望去，话：“哇，点会烂成甘加，无忽好肉哦，你系米有好严重既阴道炎加？”我好奇怪，我平时都非常干净，而且产检都检查过，咩事都无既。于是，人地用一阵就得既缝针我足足缝左个几钟头。最后，居然话有个地方太嫩，吾敢缝，于是无办法之下，巨用两块消毒棉卷成一圈塞入去，跟住叫我夹住睇下止吾止到血。跟住，就系我脊椎最下面个节附近放左一旧野系度，话量下失血量，然后丢低我行左出去拉。哩个时候，我虽然刚刚生完，但系觉得无比兴奋，望著训系我旁边温箱既bb，就感到好奇妙，好幸福！！我训系产床上面，松左口气，终于都搞掂拉！！！因为临时破水唔记得带任何野入哩，所以我叫个医院既护工出去帮我罗个电话入哩比我同屋企人报平安。罗到电话之后，我同老公讲左几句，知道其他人见过bb之后就去左食饭拉，剩低老公系度等我出去。然后我就开始飞短讯比亲戚朋友话巨地知我生左拉。期间，有个助产士入哩吩咐我，唔可以食参，因为会大出血。仲有meng左尿管之后今晚10点前要自己o第一督尿。仲有吩咐左d野，都唔记得系乜拉。因为尾龙骨度放左一旧野，所以令到我变作一个微微既拱桥状，对脚又夹住吾敢松开，所以成个人梗晒。等左差吾多一个钟头，我兴奋度减少左，也有d感觉到攰拉，终于，入哩左一个助产士，帮我meng左旧棉出哩，点知巨话，唔得哦，止吾住哦。跟住同另一个研究左一排，然后居然罗左唔知几多块棉卷成好鬼好鬼好鬼大一旧野再搏命塞落去，我痛到眼泪水都标埋，系度哎。跟住巨地话，唔得啊，你个度止唔到血啊，你再夹多个钟头拉！我一听，差d晕鬼左，好辛苦，好攰啊！仲要挨成个钟。于是我哀求道：“可吾可以罗走我下面个旧野啊，我好辛苦啊，成个人梗晒，都吾郁得”点知个助产士冷冷甘讲：“唔得加，聚血盆（好似系哩个名）系用哩测量你既出血量加”于是，我又硬晒甘等左个几钟头，哩个时候，唔知系米真系失血太多，定系等得太耐过左个极限，我开始烦躁，孟争，d朋友打电话哩我都无好气甘收鬼晒巨地线。因为个拱桥实在搞到我太攰拉。可能少林寺练功都唔使做甘耐拱桥啊。差吾多8点，有个助产士入哩帮我meng左旧棉，点知，巨都系系度哎：“哎，都系止唔到哦”哇，我差在未自己跳起身，我有气无力甘讲，算啦，推我出去先拉，推我出去先拉，出去先慢慢夹拉，哩个时候，我只想快d离开哩个冷冰冰既产房。个助产士也无晒办法，叫左个主任入哩，个主任好小心好小心甘继续帮我缝，又缝左半个钟头，终于听到个主任话，得啦，推出去拉！哇，哩一刻，我好似仲开心过刚刚生左个b出哩甘，唉，原哩唔系止唔到，系之前个个助产士技术唔够姐，冤枉，搞到我辛苦左甘耐。哩个时候，只觉得个主任将我下面旧野一meng，我成个人舒服晒。过完床之后，我终于就比一个医院护工推出去拉，推出去个条走廊吾算长，但系我感觉好开心，好舒服，好舒心既感觉，好似想巨长d甘，哈。一出去，就见到老公紧张甘行埋哩问：“点啊你”我剩系觉得自己系一个胜利者既姿态甘望著巨，好想好想即刻讲晒我d惨痛经历比巨听。哩个时候，老公话我知因为我迟一步，最后一个床位比人罗左拉，我今晚要训走廊。无所谓拉，宜家叫我训地下都无所谓，因为实在太开心拉，乜都无所谓拉！