sweet_connie

   

jennytommy 发表于 2013-11-15 15:42
女儿明年就上幼儿园了，我们住在龙口东万佳这边，附近幼儿园还是挺多的，但筛选下来，选择也不多，只有金海 ...

我同你住得好近，当年选幼儿园都超头痛，附近所有幼儿园都睇过晒。千其眯去金海啊，得个平，其他都唔好。
最后去左嘉怡苑，要坐两站车。
你先生上班可唔可以带埋个女去中山医幼儿园先？如果可以，机会比较多就无问题罗。如果日日都自己父母去接送，真系几辛苦，特别冬天，天河北到中山医条路又塞车

sweet_connie

   

irishon 发表于 2013-11-15 15:59
回复 jennytommy 的帖子

我家小朋友就在楼下上幼儿园。

我家四岁没你家这么夸张，不过每天不愿起床倒是真的，一般起床饮奶到出门大概20分钟吧

sweet_connie

   

freby 发表于 2013-11-18 10:01
我家在你家附近,我小孩现在在我上班附近上班开车要半个小时,回家加上塞车要1个小时,不过幼儿园是省一级,再 ...

选金海我就宁愿选以前的吉的堡了，旁边虽然有个垃圾站，不过园区环境比金海好D，最起码依家系公立了，一个月连伙食五百几

sweet_connie

回复 yexi 的帖子

当年我系带住个仔去睇附近幼儿园环境的，我评论一下我睇过各几间幼儿园吧！
最初我系睇中金太阳，觉得园区够大，点知我一入去就不断打喷嚏（我鼻敏感的，唔知里面系咪有过敏原），而我仔平时好开朗活泼既入到去竟然好惊甘，唔肯主动同老师打招呼，了解收费后老师俾我仔系里面玩一阵，我仔想玩滑梯，岩好有几个班小朋友系度活动，D哥哥姐姐都好恶，最后我仔都无点玩就离开。之后仲了解到金太阳好多人投诉，话每年都升价，而且要家长交足一年或者一学期费用，有时就过年前要家长交几百蚊话系留学位，过年翻黎就话升价，唔读之前交既钱无得退。上年了解到平均一个月要2300左右。
吉的堡算系离家最近的，可惜隔离有个垃圾站，我过完年就去问几时招生，当时老师话起码四五月。要求入内参观，就话唔可以。等到四月初我又去问，竟然就话招满了。同时系网上都搜到依间幼儿园不好既事例，话虽然有视频监控，但系试过老师系无视频监控位置体罚小朋友。今年依间幼儿园变成公立幼儿园了，听讲收费系托费+伙食费600有找。


金海幼儿园，附近最平既一间幼儿园，但系听讲没野学，园区好细好残旧，守门口系个阿伯，感觉除左平无样好。我地依度个管理处经理个仔就系读依间，今年上小学，距话金海幼儿园真系唔得，依家个仔读小学完全不在状态，而且乜都唔识（指最基本既野）。

帝景苑幼儿园，园区又系好细，带我仔去睇各日岩好落雨，地面非常滑，而且无铺防滑垫（好多幼儿园室外都铺防滑垫既），结果离开时，我拉住个仔好小心甘行，个仔都系滑到了。帝景苑幼儿园D课室都好黑，唔够开阳，不过园长好热情。一般会要求八月份就入学适应环境。收费同金太阳差唔多

岭南中英文幼儿园，听讲系依附近最抢手最好既私立幼儿园。提早一年就去参观过，园区比金太阳细小小，无大型滑梯。收费比较贵，唔系普通家庭能接受。虽然甘贵，但系过年翻黎已经话无晒学位。普通班都要三四千，不过可以俾钱托管吃埋晚饭。

启蒙幼儿园，里面既老师爱理不理，一问三不知，我仔入去又系唔多中意。话五月统一面试招生，最后无去。价钱应该都系2300左右

嘉怡幼儿园，离我屋企最远了。不过环境系以上甘多间里面最好既一间。我仔入到去好开心啊，仲主动叫老师同园长好（老师同园长的确几亲切），参观同报名都玩到唔舍得走。里面有好多小型滑梯，仲有游泳池（游泳池每年五月开放，每个班轮流一星期一次，不过如果流感高峰或者手足口高峰就会停开），所以最后敲定依间离屋企比较远既幼儿园。收费托费2050，伙食费15一日，上年同今年一样价。有寒暑假，如果只上半个月就只收半个月托费，暑假原本话八月份都要收三分一托费，结果最后一分钱无收。每个月初中行自动扣款。
个仔读左一年了，今年升小班，感觉还不错吧。里面既老师都做左好多年，几乎无流动性，一个班有三个老师（班主任、老师同保育员），会由托班一直跟到大班，每日放学都会汇报小朋友表现。

sweet_connie

回复 yexi 的帖子

呵呵，不客气。所以最好都系自己带孩子去实地观察一次，最紧要是孩子喜欢

sweet_connie

回复 jennytommy 的帖子

系呀，平时唔俾入去的，只有五月报名可以入去内内外外参观晒。报名之后仲未录取的，通知录取之后会有开放日俾家长带住小朋友入去玩。报名同录取参观都系休息日来的。平时怕打扰小朋友上课。然后暑假会有班主任同老师到家里家访了解一下小朋友情况。开学前一日会搞一个同乐日，俾新生认识一下同学。
上年我忘记乜原因俾我系报名前带住个仔入到里面了。

sweet_connie

回复 jenro502 的帖子

你过完年后可以致电幼儿园，有统一时间登记资料的。因为男女失衡，一般女仔都会收，男仔会优先附近的小朋友